संखुवासभाको किमाथांका केन्द्रबिन्दु भएर ४.३ म्याग्निच्युडको भूकम्प
काठमाडौं । संखुवासभा जिल्लाको किमाथांका आसपास केन्द्रबिन्दु भएर भूकम्प गएको छ । मंगलबार बिहान करिव साढे ७ बजेतिर उक्त क्षेत्रमा भूकम्प गएको राष्ट्रिय भूकम्प मापन तथा अनुसन्धान केन्द्र लैनचौरले जनाएको छ ।
भूकम्प मापन केन्द्रका अनुसार चार दशमलव तीन रेक्टर स्केलको भूकम्प गएको थियो । सो भूकम्पमा परी हालसम्म कुनै पनि मानविय तथा भौतिक क्षति नभएको प्रहरीले जनाएको छ ।
भूकम्पबाट भएको क्षतिबारे सोध–पुछ कार्य चलिरहेको छ । प्रहरीले उक्त क्षेत्रमा बिहानैदेखि आवश्यक विवरण संकलन गरीरहेको छ ।
