नेरुडे मिर्मिरे लघुवित्तको संस्थापक शेयर बिक्रीमा, सबैले किन्न पाउने
काठमाडौं । नेरुडे मिर्मिरे लघुवित्त वित्तीय संस्था लिमिटेडले १ लाख ४९ हजार ५१ कित्ता संस्थापक शेयर बिक्रीमा राखेको छ। जसमध्ये ९२ हजार ८८३ कित्ता संस्थापक शेयरधनीहरूले र ५६ हजार १६८ कित्ता सर्वसाधारणले किन्न पाउने गरी बिक्रीमा राखेको हो।
उक्त ९२ हजार ८८३ कित्ता संस्थापक शेयर खरीद गर्न इच्छुक विद्यमान संस्थापक शेयरधनीहरूले आगामी ३५ दिनभित्र र ५६ हजार १६८ कित्ता शेयर खरीद गर्न चाहने सर्वसाधारणले आगामी १५ दिनभित्र लिखित निवेदन पेश गर्नु पर्नेछ। निवेदन भक्तपुरको लोकन्थलीस्थित कम्पनीको कर्पाेरेट कार्यालयमा दिनु पर्नेछ।
