मेची भन्सारको राजस्व सङ्कलन लक्ष्य नजिक
काठमाडौं । मेची भन्सार कार्यालय, काँकडभिट्टाले चालु आर्थिक वर्ष २०८३/८४ को पहिलो तीन महिनामा लक्ष्यको करिब ९५ प्रतिशत राजस्व सङ्कलन गरेको छ ।
कार्यालयका अनुसार साउनदेखि असोजसम्म चार अर्ब ९२ करोड रुपैयाँ राजस्व सङ्कलन गर्ने लक्ष्य राखेकामा चार अर्ब ६७ करोड सात लाख ७३ हजार रुपैयाँ सङ्कलन गरेको हो । यस अवधिमा निर्धारित लक्ष्यको ९४ दशमलव ९३ प्रतिशत राजस्व सङ्कलन भएको हो ।
महिनागत विवरणअनुसार साउनमा रु एक अर्ब ४३ करोड ५० लाख लक्ष्य रहेकामा रु एक अर्ब २७ करोड ९८ लाख ३७ हजार सङ्कलन भएको थियो । त्यस्तै भदौमा एक अर्ब ६४ करोड रुपैयाँ लक्ष्य रहेकामा एक अर्ब ५५ करोड ३५ लाख ३८ हजार रुपैयाँ सङ्कलन भएको कार्यालयको तथ्याङ्कमा उल्लेख छ ।
असोजमा भने राजस्व सङ्कलन थप बढेको देखिन्छ । उक्त महिनामा एक अर्ब ८४ करोड ५० लाख रुपैयाँ सङ्कलन गर्ने लक्ष्य रहेकामा एक अर्ब ८३ करोड ७३ लाख ९८ हजार रुपैयाँ सङ्कलन भएको छ । यो असोज महिनाको लक्ष्यको ९९ दशमलव ५९ प्रतिशत हो । गत आर्थिक वर्षको तीन महिनाको सोही अवधिमा चार अर्ब १५ करोड २० लाख नौ हजार रुपैयाँ राजस्व सङ्कलन भएको थियो ।
