४,७६७ जना ऋण लिन नपाउने गरी कालोसूचिमा, चेक बाउन्स भएपनि कालोसूचिमा परिने

३ चैत्र २०७७, मंगलवार ०८:५०

काठमाडौं । कर्जा सूचना केन्द्रमा कालोसूचिमा पर्नेहरुको संख्या चार हजार ७६७ जना पुगेको छ । सूचना केन्द्रका अनुसार यसरी कालोसूचिमा पर्नेहरुलाई नेपालमा सञ्चालित कुनै पनि बैंक तथा वित्तीय संस्थाहरुबाट ऋण लिन नपाउने व्यवस्था छ ।

बैंकको कर्जा समयमा भुक्तानी नगर्दा तथा चेक बाउन्स केसमा मानिसहरु कर्जा सूचना केन्द्रको कालोसूचिमा पर्ने गर्दछन् । आज प्रकाशित अभियान दैनिकको समाचार अनुसार चालू आर्थिक वर्ष (आव) २०७७/७८ को ८ महीनामा मात्रै त्यस्ता ऋणीको संख्या ४ हजार ७६७ रहेको छ ।

समाचार अनुसार पछिल्लो ५ वर्षमा ११ हजार ४५० ऋणी कालोसूचीमा परेका छन् । उनीहरुले कालोसूचिमा परेको अवधीभरमा कुनै पनि बैंक तथा वित्तीय संस्थाबाट ऋण लिने तथा ऋण नविकरण गर्न पाएनन् । २०४६ सालदेखि चालू आवको फागुन २८ गतेसम्ममा भने कालोसूचीमा पर्ने ऋणीको संख्या १५ हजार २९५ पुगेको छ ।

बैंक तथा वित्तीय संस्थाहरूको अनुरोधमा कर्जा सूचना केन्द्रले कालोसूचीमा परेका ऋणीहरूको संख्या सार्वजनिक गर्ने गर्छ । केन्द्रले यसअघि वाणिज्य बैंक, विकास बैंक र वित्त कम्पनीको यस्तो सूची सार्वजनिक गर्दै आएकोमा चालू आवदेखि भने लघुवित्तको पनि सार्वजनिक गर्न थालेको छ । लघुवित्तको समेत कालोसूचि समावेश हुँदा कालोसूचिमा पर्नेहरुको संख्या अझै बढ्ने देखिएको छ ।

गतवर्षदेखि नेपाल राष्ट्र बैंकले एकीकृत निर्देशनमार्फत चेक जारी गर्ने व्यक्ति, फर्म, कम्पनी वा संस्थाले चेकमा गलत हस्ताक्षर गरेमा र खातामा पर्याप्त रकम नभएर (चेक बाउन्स भएमा) १ साताभित्र पनि रकम भुक्तानी नगरे कालोसूचीमा राखिने व्यवस्था गरेको छ ।
आव २०७३/७४ फागुनसम्ममा कालोसूचीमा परेर चुक्ता नगरेका ५५९ ऋणी अझै सूचीबाट हटेका छैनन् । यस्तै, आव २०७४÷७५ मा यस्तो संख्या ८४६ र २०७५/७६ मा १ हजार ५२८ रहेको छ । यसैगरी २०७६/७७ मा ३ हजार ७५० र २०७७/७८ फागुनसम्ममा यस्ता ऋणीको संख्या ४ हजार ७६७ छ ।

3 thoughts on “४,७६७ जना ऋण लिन नपाउने गरी कालोसूचिमा, चेक बाउन्स भएपनि कालोसूचिमा परिने

  1. Padam shah says:

    Samargh ma yo desh KO maudrik niti galat X

  2. Roshan Lal Gurung says:

    Kalo suchi ma pareko name kaha herna parxa ?

  3. Ramesh khatri says:

    Ramesh khatri

यसमा तपाइको मत

Your email address will not be published. Required fields are marked *


*