साल्ट ट्रेडिङ कर्पोरेशन ६४ प्रतिशत नोक्सानीमा, अन्य सूचक कस्तो ?
काठमाडौं । साल्ट ट्रेडिङ कर्पोरेसनले चालु आर्थिक वर्षको पहिलो त्रैमाससम्मको वित्तीय विवरण सार्वजनिक गरेको छ । सार्वजनिक गरेको विवरणमा कम्पनीको खुद नाफा घटेको छ ।
गत आर्थिक वर्षमा १ करोड ३९ लाख रुपैयाँ नाफा कमाएको कम्पनीले चालु आर्थिक वर्षको पहिलो त्रैमाससम्ममा कम्पनीको खुद नाफा ६४.९४ प्रतिशतले घटेर ४८ लाख ८५ हजार रुपैयाँमा सिमित भएको छ ।
असोज मसान्तसम्ममा आइपुग्दा कम्पनीको बिक्री आम्दानी पनि ३०.६० प्रतिशतले घटेर १ अर्ब ५९ करोड रुपैयाँमा झरेको छ । जुन गत आर्थिक वर्ष सोही अवधिमा कम्पनीको बिक्रि आम्दानी २ अर्ब ३० करोड रुपैयाँ थियो ।
समिक्षा अवधिसम्म कम्पनीको चुक्तापूँजी २३ करोड ४ लाख २९ हजार रुपैयाँ रहेको छ भने प्रतिशेयर आम्दानी ८ रुपैयाँ ४८ पैसा र प्रतिशेयर नेटवर्थ ४४९ रुपैयाँ ६६ पैसा रहेको छ ।
