लोकसेवाले माग्यो प्राविधिक र स्वास्थ्यतर्फ साढे २ सयबढी कर्मचारी (विज्ञापनसहित)
काठमाडौं । लोक सेवा आयोगले प्राविधिक र स्वास्थ्यतर्फ साढे २ सयभन्दा बढी कर्मचारीका लागि दरखास्त माग गरेको छ । शुक्रबार सूचना प्रकाशित गरेर आयोगले राजपत्रांकित तृतीय श्रेणीको प्राविधिक, स्वास्थ्य सेवातर्फ सातौं र आठौं तहमा गरी २५७ कर्मचारी माग गरेको हो ।
आयोगले प्राविधिकतर्फ २१६ कर्मचारी, मानवअधिकार सेवातर्फ अधिकृत तृतीय श्रेणीमा १ जना, स्वास्थ्य सेवातर्फ आठौं तहमा ३६ जना र सातौं तहमा ४ जना कर्मचारीको पदपूर्ति गर्न आवेदन माग गरेको छ । यी पदहरुमा खुला तथा समावेशी प्रणालीबाट पदपूर्ति गर्नुपर्ने भएकाले इच्छुक र योग्यता पुगेका उम्मेदवारलाई मंसिर १९ गतेभित्र दरखास्त दिइसक्न लोकसेवा आयोगले आह्वान गरेको छ ।
दरखास्त शुल्क १ हजार २ सय रहेकामा एकै समूह/उपसमूहको पदको समावेशी समूहतर्फ आवेदन दिन प्रत्येक समूहका लागि थप ४ सय दस्तुर बुझाउन पर्नेछ । आवेदकले आयोगको वेभ साइटबाट अनलाइन दरखास्त दिन सक्ने बताइएको छ ।
हेरौँ विज्ञापन
