तीन सयले महंगियो सुन, कतिमा हुँदैछ कारोबार?
काठमाडौं । साताको छैठौं दिन सुन महंगिएको छ । शुक्रबार सुन प्रतितोला तीन सयले महंगिएको हो।
नेपाल सुनचाँदी व्यवसायी महासंघका अनुसार शुक्रबार छापावाला सुन १ लाख १९ हजार १०० र तेजावी सुन १ लाख १८ हजार ५५० रुपैयाँ प्रतितोला कायम भएको छ। अघिल्लो दिन छापावाला सुन १ लाख १८ हजार ८०० र तेजावी सुन १ लाख १८ हजार २५० रुपैयाँ प्रतितोला कायम भएको थियो ।
त्यस्तै, आज चाँदीको मूल्य पनि प्रतितोला १५ रुपैयाँले बढेको छ। बिहीबार १ हजार ४५५ रुपैयाँमा कारोबार भएको चाँदी आज शुक्रबार १ हजार ४७० रुपैयाँ प्रतितोलामा कारोबार भइरहेको छ ।
