रसुवा बाढीको १० दिनपछि दुई जनाको जीवितै उद्धार, को हुन् उनीहरू ?
काठमाडौं । रसुवा बाढीमा परेर त्रिशूली–३ ‘ए’ जलविद्युत् आयोजनाको सुरुङभित्र फसेकामध्ये दुईजनाको उद्धार गरिएको छ ।
दुई जनाको १० दिनपछि जीवितै उद्धार गरिएको छ। रसुवाको भोटेकोशीमा १० भदौमा आएको विनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्र फसेकामध्ये दुईजनाको जीवितै उद्धार गरिएको छ ।
शुक्रबार बिहान उद्धार गरिएका पहिलो व्यक्ति सञ्जय साह हुन् भने दोस्रो व्यक्ति कविर महर्जन हुन् । साह नेपाल विद्युत प्राधिकरणका चौथो तहका कर्मचारीमा हुन् भने कविर महर्जन त्रिशूली ३ ए जलविद्युत् आयोजनाका सुपरभाइजर हुन्।
त्रिशूली–३ ‘ए’ जलविद्युत् आयोजना मर्मत कार्य भइरहेको थियो । साह पनि त्यसैका लागि गएको हुनसक्ने बताइएको छ।
उनीहरूलाई रसुवाको भोटेकोशीमा १० भदौमा आएको विनाशकारी बाढीका कारण त्रिशूली–३ ‘ए’ जलविद्युत् आयोजनाको सुरुङभित्रबाट सञ्जय साह र कविर महर्जनको जीवितै उद्धार भएको हो।
त्यस्तै, दोस्रो उद्धार गरिएको व्यक्ति कविर महर्जन त्रिशूली ३ ए जलविद्युत् आयोजनाका सुपरभाइजर भएको आयोजना प्रमुख आवास ओझाले जानकारी दिए ।
