दुई कम्पनीको लाभांश सुरक्षित गर्ने अन्तिम दिन
काठमाडौं । एनआरएन इन्फ्रास्ट्रक्चर एण्ड डेभलपमेन्ट र शिवम् सिमेन्ट्सले भोलि बुक क्लोज गर्ने भएकाले आजसम्म नेप्सेमा कायम शेयरधनीहरूले मात्रै कम्पनीको सभामा भाग लिन र लाभांश पाउन सक्नेछन्।
एनआरएनले चुक्ता पूँजीको ४० प्रतिशत बोनस शेयर र २.१०५ प्रतिशत नगद लाभांश वितरण गर्ने निर्णय गरेको छ। यो निर्णय पारितका लागि पुस ४ गते काठमाडौंस्थित आम्रपाली ब्याङ्क्वेटमा बिहान ९ बजे १३औं वार्षिक साधारणसभा बस्दैछ।
त्यसैगरी शिवम् सिमेन्टले चुक्ता पूँजीको १० प्रतिशत नगद लाभांश र २.५ प्रतिशत बोनस शेयर वितरणको प्रस्ताव गरेको छ। यो प्रस्ताव पारितका लागि मंसिर २५ गते काठमाडौंको राष्ट्रिय सभा गृहमा बिहान साढे १० बजेदेखि १०औं वार्षिक साधारणसभा बस्दैछ।
