तोलामा ९०० रुपैयाँले बढ्यो सुनको मूल्य
काठमाडौं । नेपाल सुनचाँदी व्यवसायी महासंघका अनुसार आज सुनको भाउ तोलामा ९०० रुपैयाँले बढेको छ।
महासंघका अनुसार आज छापावाला सुन प्रतितोला २ लाख ४८ हजार ८०० रुपैयाँ तोकिएको छ। अघिल्लो दिन मंगलबार सुन प्रतितोला २ लाख ४७ हजार ९०० रुपैयाँमा कारोबार भएको थियो।
चाँदीको भाउ पनि तोलामा २० रुपैयाँले बढेर प्रतितोला ३ हजार २२० रुपैयाँका दरले किनबेच भइरहेको महासंघले जानकारी दिएको छ।
