यातायात व्यवसायीद्धारा जोर विजोर प्रणाली लागू नगर्न माग
काठमाडौं । शुक्रबार रातीदेखि लागू हुने सवारी साधनमा जोर विजोर प्रणाली लागू नगर्न यातायात व्यवसायीहरुले माग गरेका छन् ।
यातायात व्यवसायीहरुले भोलिदेखि लागू हुन लागेको जोर विजोर प्रणाली लागू नगर्न जिल्ला प्रशासन कार्यालय काठमाडौंलाई सुझाव दिएको हो ।
जिल्ला प्रशासन कार्यालय काठमाडौं, नेपाल यातायात व्यवसायी राष्ट्रिय महासंघ र सरोकारवाला निकायहरुबीच शुक्रबार जोर विजोर प्रणाली लागू गर्ने सम्बन्धमा भएको छलफलमा यातायात व्यवसायीहरुले सो प्रणाली लागू नगर्न माग गरेका हुन् ।
स्थानीय प्रशासनले तीव्र रुपमा फैलिरहेको कोरोना संक्रमण रोकथाम गर्ने भन्दै शुक्रबार राति १२ बजदेखि काठमाडौं उपत्यकामा सार्वजनिक तथा निजी सवारी साधनहरुमा जोर बिजोर प्रणाली लागू गर्ने निर्णय गरेको थियो ।