जोर–बिजोर प्रणाली फिर्ता गर्न सीडीओलाई यातायात व्यावसायीको माग

 

नेपाल यातायात व्यावसायी राष्ट्रिय महासंघले सवारी साधनमा जोर–बिजोर प्रणाली लागू नगर्न माग गरेका छ ।

महासंघले सवारी साधनमा जोर–बिजोर प्रणाली लागू गरेर कोरोना संक्रमण नियन्त्रण हुने तर्क वैज्ञानिक नहुने भन्दै तत्काल फिर्ता गर्न माग गरेको हो ।

कोरोना महामारी नियन्त्रण गर्न भन्दै उपत्यकाका जिल्ला प्रशासनहरुले माघ ७ गते मध्यरातबाट लागु हुने गरि जोर–बिजोर प्रणाली लागु गरेको छ । जसका कारण सवारी साधनको संख्यामा कमी हुँदा यात्रुहरुको थप चाप बढ्नुका साथै कोरोनाको जोखिम झन बढेको महासंघले जनाएको छ ।

जोर बिजोर प्रणाली वैज्ञानिक र व्यवहारिक समेत नभएकाले निर्णय संशोधन गरी स्वास्थ्य मापदण्ड पुरा गरि पूर्ववत रुपमा सम्पूर्ण यातायातका सवारी साधन संचालन गर्ने व्यवस्था मिलाईदिन अनुरोध गरेको छ ।

जोर–बिजोर प्रणाली लागु भए यता सरकारको सामाजिक सञ्जालमा समेत व्यापक विरोध हुँदै आएको छ ।