दुई दिनमै १८ सयले घट्यो सुनको मूल्य, कतिमा हुदैछ कारोबार ?
![](https://www.beemapost.com/wp-content/uploads/2021/04/Gold-market.jpg)
काठमाडौ । नेपाली बजारमा सुनको मूल्य आज पनि ओरोला लागेको छ । बिहिबार तोलामा ९ सय रुपैयाँले घटेको सुन शुक्रबार पनि सोही मूल्यमा घट्न पुगेको हो ।
नेपाल सुनचाँदी ब्यवसाय महासंघका अनुसार आज छापावाला सुनको मूल्य प्रतितोला ९२ हजार ६ सय रुपैयाँ र तेजावी सुनको मूल्य प्रतितोला ९२ हजार १ सय रुपैयाँमा कारोबार भइरहेको छ ।
हिजो भने छापावाला सुनको मूल्य प्रतितोला ९३ हजार ५ सय रुपैयाँ र तेजावी सुनको मूल्य प्रतितोला ९३ हजार रुपैयाँ कायम गरिएको थियो ।
त्यस्तै, बिहिबार प्रतितोला १ हजार २९० रुपैयाँमा कारोबार भइरहेको चाँदी शुक्रबार भने तोलामा २५ रुपैयाँले घटेर प्रतितोला १ हजार २६५ रुपैयाँमा कारोबार भइरहेको महासंघले जनाएको छ ।