एमालेविरुद्ध मतदान गर्न आह्वान गर्ने पत्रकार संगठनलाई आयोगद्धारा २४ घण्टे लिखित स्पष्टीकरण माग
काठमाडौं । निर्वाचन आयोगले एमालेविरुद्ध मतदान गर्न आह्वानसहित वक्तव्य जारी गर्ने गठबन्धन दल आबद्ध पत्रकार संगठनका अध्यक्षहरूलाई आज २४ घण्टे लिखित स्पष्टीकरण मागेको छ । आयोगले पत्रकारिताको क्षेत्र र राजनीतक क्षेत्र भिन्न हो कि होइन ? भन्दै २४ घण्टाभित्र विज्ञप्ति हटाएर सोही समयभित्र लिखित जवाफ पेस गर्न पत्र काटेको छ ।
शनिबार कांग्रेसनिकट नेपाल प्रेस युनियनका अध्यक्ष बद्री सिग्देल, माओवादीनिकट प्रेस सेन्टरका अध्यक्ष विष्णु सापकोटा, नेकपा एसनिकट समाजवादी प्रेस संगठनका अध्यक्ष शम्भु श्रेष्ठसहितले पाँचदलीय गठबन्धनका उम्मेदवारलाई मतदान गर्न आह्वान गर्दै संयुक्त विज्ञप्ति जारी गरेका थिए ।
