बुढानीलकण्ठ स्कुलले प्रिन्सिपल नियुक्त गर्न गर्यो ‘खुला’ विज्ञापन
काठमाडौं । छुट्टै पहिचान बोकेको बुढानीलकण्ठ स्कुलले खुल्ला प्रतिस्पर्धाबाट प्रिन्सिपल नियुक्त गर्ने भएको छ । शुक्रवार सरकारी अखबार गोरखापत्रमा सूचना प्रकाशन गरेर बुढानीलकण्ठ स्कुलले प्रिन्सिपलका लागि दरखास्त माग गरेको हो ।
बुढानीलकण्ठ स्कुल सार्वजनिक शैक्षिक गुठीको विधान २०५९ को दफा २४ बमोजिम गठित उपसमितिको सिफारिसमा स्कुल व्यवस्थापन समितिले प्रिन्सिपल नियुक्त गर्ने निर्णय गरेको सूचनामा उल्लेख छ ।
४० वर्ष उमेर पुगेका इच्छुक नेपाली नागरिकबाट यो सूचना प्रकाशन भएको २१ दिनभित्र दरखास्त दिन भनिएको छ ।
