घट्यो बजारः फाइनान्स सेक्टरका लगानीकर्ता मालामाल, अब लयमा फर्किएला मार्केट ?

काठमाडौँ । आज पनि शेयर बजार घटेको छ, जसमा अल्पकालीन कारोबारीहरूको प्रभुत्व देखिएको छ । बुधबार शेयर बजारमा गिरावट आएको हो, जबकि आइतबार र सोमबार बजारमा आकर्षक वृद्धिको संकेत देखिएको थियो । ती छोटो अवधिमा सूचकांकमा आकर्षक वृद्धिको अवसरलाई कारोबारीहरूले आफ्नो फाइदा लिन प्रयास गरेका छन्, जसका कारण केही कम्पनीहरूको मूल्य पनि उल्लेखनीय रूपले बढेको छ ।

यद्यपि, बजारले केही करेक्सनहरू भोगेका भएपनि विश्लेषकहरूको भनाइमा,बजार समग्रमा सकारात्मक बाटो समाउन कोशिस गर्दैछ। बजारले लामो समयसम्म करेक्सन र साइडवेज ट्रेन्डमा समय बिताएपछि अब औसत प्रवृत्तिको रूपमा सकारात्मक दिशा लिने सम्भावना रहेको छ । बजारले २७ सयको स्तर पार गर्नका लागि शक्ति संचित गरेको संकेत देखिन्छ, र यो सकारात्मक समाचारको रुपमा लिइएको छ ।

बजारमा सस्तो मूल्यको अवसर र दोस्रो त्रैमासिक रिपोर्टहरूको आगमनले आगामी समयका लागि सकारात्मक दृष्टिकोण थप गरेको छ । बैंकिङ प्रणालीमा उच्च तरलता र सस्तो ब्याज दरले सेयर बजारमा बढोत्तरीको सम्भावना बढाएको विश्लेषण गरिएको छ। बजारको कारोबार रकम पनि बढ्दै गएको छ, जसले नेप्से सूचकांकको वृद्धिमा योगदान पुर्याएको छ, र यसले बजारलाई बलियो बनाएको छ।

नेपाल स्टक एक्सचेञ्ज (नेप्से) ४.४५ अकंले बढेर २७११.४५ बिन्दुमा कायम भएको छ । आज ३०९ कम्पनीको १ करोड ९१ लाख ८१ हजार ४१४ कित्ता शेयर किनबेच हुँदा ८ अर्ब ९५ करोड ८० लाख रुपैयाँको शेयर कारोबार भएको हो ।

आज बैंकिङ समूहको ०.२६ प्रतिशत, विकास बैंक समूहको ०.९१ प्रतिशत, होटल तथा पर्यटन समूहको ०.४८ प्रतिशत, इन्भेष्टमेन्ट समूहको ०.२४ प्रतिशत, जीवन बीमा समूहको ०.३१ प्रतिशतले शेयर मूल्य घटेको छ ।

बुधबार बजार घटेपनि फाइनान्स कम्पनीका लगानीकर्ता मालामाल बनेका छन् । फाइनान्स समूहको शेयर मूल्य ५.६७ प्रतिशतले बढेको छ ।

यसदिन ११३ कम्पनीको शेयर मूल्य बढ्दा १२२ कम्पनीको घटेको छ ।