एनबि बैंकलाई प्राप्तिपश्चात २० शाखा कार्यालय घटाउने नबिल बैंकको घोषणा
काठमाडौं । नबिल बैंक र नेपाल बंगलादेश बैंकले यहि असार २७ गतेदेखि एकीकृत कारोबार सुरु भएका छन् । एकीकृत कारोबार भएको दिनबाट नबिल बैंक र नेपाल बंगलादेश बैंकको केही शाखा कार्यालयहरु बन्द तथा स्थानान्तरण हुने भएको छ ।
बैंकका अनुसार १७ स्थानमा रहेका बंगलादेश बैंकका शाखा कार्यालयहरु बन्द भई नजिकको नबिल बैंककको शाखा कार्यालयमा समायोजन हुनेछन् । साथै ३ स्थानमा रहेका नबिल बैंकको शाखा कार्यालयहरु बन्द भई नजिकको नेपाल बंगलादेश बैंकको शाखा कार्यालयमा समयोजन हुने बैंकले जनाएको छ ।
नबिल बैंक र नेपाल बंगलादेश बैंकले असार २७ गतेदेखि एकीकृत कारोबार सुरु गर्दैछन् । नबिल बैंक र एनबि बैंकबीच १००ः४२ रेसियोमा मर्जरमा जाने सहमति भएको थियो ।
