शेयरबजारमा सामान्य सुधार, नेप्से १२ अंकले बढ्दा १२ उपसूचक चम्कियो
काठमाडौं । बिहिबार पुँजीबजारमा झिनो अंकको सुधार आएको छ । केही दिनयता लगातार घटेको शेयरबजार आज एकाएक सामान्य सुधार देखिएको हो ।
आज नेप्से परिसूचक १२.५७ अंकले बढेर लगानीकर्ताहरुमा उत्साह थपिएको छ । शुन्य दशमलव ६४ प्रतिशतले बढेको शेयरबजार इन्डेक्स १९७८ को विन्दुमा कायम हुन पुगेको छ ।
नेप्सेमा सूचीकृत २२१ कम्पनीको ३५ लाख ९४ हजार ५९४ कित्ता शेयर किनबेच हुँदा १ अर्ब १८ करोड ७१ लाख ४५ हजार ५१८ रुपैयाँको कारोबार भएको छ ।
शेयरबजारमा रहेका १३ उपसूचक मध्ये आज लगानी सूचक बाहेकका सबै सूचक चम्किएको छ । सर्वाधिक आज अन्य समूहको ४०.७९ रुपैयाँले बढ्न पुगेको छ । त्यस्तै, माइक्रोफाइनान्स सूचक ३८.४ रुपैयाँले बढ्न पुगेको छ ।
