यी हुन् आज सर्वाधिक कारोबार भएका टप १० कम्पनी
काठमाडौैं । बिहिबार शेयरबजारमा उच्च अंकको गिरावट आएको छ । अघिल्लो साता क्रमिक सुधार देखिएको शेयबरजारमा यस साता घट्न पुगेको हो ।
उतारचढावकाबीच आज नेप्से परिसूचक ३८.६१ अंकले घटेर २१४८ विन्द्ुमा कायम भएको छ । शेयरबजार घटेसँगै कारोबार रकम पनि अघिल्लो दिनको तुलनमा घटेर ३ अर्ब ७६ करोडमाथिको कारोबारमा सीमित हुन पुगेको छ ।
सो रकम बराबरको कारोबार हुँदा आज सर्वाधिक शिवम् सिमेन्ट्सको २५ करोड २२ लाख रुपैयाँमाथिको कारोबार भएको छ ।
त्यस्तै, हिमालयन डिस्टिलरीको १३ करोड १७ लाख, अपि पावरको १२ करोड ७९ लाख, युनिभर्सल पावरको ७ करोड ८० लाख र गोर्खाज फाइनान्सकको ७ करोड ५२ लाख रुपैयाँमाथिको कारोबार भएको छ ।
