हाइड्रोपावरमा लगानीकर्ताको आकर्षण, यी हुन् आज सर्वाधिक कारोबार भएका टप १० कम्पनी
काठमाडौं । साताको तेस्रो दिन शेयरबजार भिनो अंकले बढ्न पुगेको छ । अघिल्लो दिन ७ अंकले घटेको नेप्से परिसूचक आज १.८१ अंकले बढेर २०५४ विन्दुमा कायम हुन पुगेको छ ।
नेप्सेमा सामान्य सुधार देखिएपनि आज एक अर्ब ३३ करोड माथिको मात्रै कारोबार भएको छ । सो रकम बराबरको कारोबार हुँदा हिमाल दोलखा हाइड्रोपावरको शेयर किनबेच भएको छ । कम्पनीको आज एकैदिन १४ करोड माथिको कारोबार भएको छ ।
त्यस्तै, रिडी हाइड्रोपावरको ७ करोड ६५ लाख, अपि पावरको ५ करोड ४५ लाख, शिवम् सिमेन्ट्सको ४ करोड ३७ लाख र एनआइसी एशिया लघुवित्तको प्रोमोटर शेयर ४ करोड २७ लाख रुपैयाँमाथिको कारोबार भएको छ ।
