सेबोनद्वारा रावा इनर्जीलाई साढे ८ करोडको आइपीओ निष्काशन गर्न अनुमति
काठमाडौं । रावा इनर्जी डेभलपमेन्ट लिमिटेडले आईपीओ निष्कासन गर्न धितोपत्र बोर्ड (सेबोन)बाट अनुमति पाएको छ । कम्पनीले ८ करोड ४० लाख रुपैयाँबराबरको आईपीओ जारी गर्ने अनुमति पाएको हो ।
कम्पनीले १०० अंकित दरका कुल ८ लाख ४० हजार कित्ता आईपीओ बिक्री गर्नेछ । रावा इनर्जीले स्थानीय र सर्वसाधारणका लागि गरी दुई चरणमा आइपीओ निष्काशन तथा बिक्री खुला गर्नेछ ।
यो आईपीओ चुक्तापुँजीको ३० प्रतिशतबराबर हुन आउँछ । यो कम्पनीमा ७० प्रतिशत सेयर हिस्सा संस्थापक समूहको रहेको छ । आईपीओ बिक्रीपछि कम्पनीको चुक्तापुँजी २८ करोड रुपैयाँ पुग्नेछ । रावा इनर्जीको आईपीओ बिक्री प्रबन्धकमा प्रभु क्यापिटल रहेको छ ।
