बैंकिङ कसुर मुद्दाका फरार प्रतिवादी पक्राउ
काठमाडौँ । बैंकिङ कसुरको मुद्दामा कैद सहित जरिवाना तोकीएपछि फरार रहेका प्रतिवादी राजु थापा पक्राउ परेका छन् ।
तनहुँ घर भई हाल काठमाडौँको कीर्तिपुर–६ पाँगा बस्ने ३२ वर्षीय थापालाई गत असार ३ गते उच्च अदालत पाटनबाट ५ लाख बिगो, ५ लाख जरिवाना, र क्षतिपूर्ति बापत २० हजार रुपैयाँ राहत कोषमा जम्मा गराई दुई दिन कैद हुन ठहर गरिएको थियो ।
त्यसलगत्तै फरार रहेका उनलाई सोमबार काठमाडौँको बल्खुबाट पक्राउ गरिएको हो । उनलाई कैद भुक्तान तथा फैसला कार्यान्वयनका लागि काठमाडौँ जिल्ला अदालत पठाइएको छ।
