कृषि बीमामा रोकिएको ९७ करोड रुपैयाँ प्रिमियम भुक्तानी गर्ने निर्णय, बाँकि रकमको निकासा चाडौं गर्छौः कृषि मन्त्री साह
![](https://www.beemapost.com/wp-content/uploads/2024/05/Agriculture-Insurance-Claim.jpg)
काठमाडौं । कृषि तथा पशुपन्छी विकास मन्त्रालयले कृषि बीमा बापत बीमा कम्पनीहरुले पाउनुपर्ने ९७ करोड रुपैयाँ प्रिमियम भुक्तानी गर्ने निर्णय गरेको छ ।बाली तथा पशुबिमा गरेवापत बीमा कम्पनीहरुले पाउनुपर्ने अनुदान बक्यौता नपाएका कारण बीमा कम्पनीहरुले गत चैतदेखि बीमा कार्य बन्द गरेको थिए ।
कृषि तथा पशुपन्छी विकास मन्त्री ज्वाला कुमारी साहको अध्यक्षतामा आज मन्त्रालयमा बसेको बैठकले यस्तो निर्णय गरेको हो । बैठकमा बोल्दै कृषि मन्त्री ज्वालाले मन्त्रालयले यसै आर्थिक बर्षको अन्त्य सम्ममा भुक्तानी हुन बाँकी रकम यथासिघ्र भुक्तानी गर्ने बताइन ।
बीमा कम्पनीहरुले पाउनुपर्ने अनुदान प्रिमियम बापतको अनुदान रोकिएपछि किसानले दुःख पाएको भन्दै उनले चाँडोभन्दा चाँडो रकम निकासाका लागि आफुले पहल गर्ने बताइन् ।
कृषि तथा पशुपन्छी बीमाको प्रिमियममा सरकारले ८० प्रतिशत अनुदान घोषणा गरेको छ। बीमा कम्पनीले २० प्रतिशत रकम कृषकबाट उठाएर पोलिसी बिक्री गर्दै आएका थिए। तर, अनुदान रकम नपाएको भन्दै उनीहरुले चैत १ देखि पोलिसी बेचेका छैनन्। बीमक संघले दोस्रो पटक गत वैशाख १२ गते सरकारले अनुदान नदिएका कारण बीमितको दाबी भुक्तानी समेत रोकिन सक्ने चेतावनी सहितको विज्ञप्ति जारी गरेको थियो ।
त्यसको केही समयमै प्राधिकरणले कम्पनीहरुलाई अनुदानको विषयमा कृषि तथा पशुपन्छी विकास मन्त्रालयसँग छलफल भइरहेको र अनुदान प्राप्त हुने भन्दै कृषि बीमा व्यवसाय तथा दाबी भुक्तानी नरोक्न निर्देशन दिएको थियो ।तर, कम्पनीहरुले पुरै अनुदान रकम नपाए उधारो पोलिसी बिक्री र दाबी भुक्तानी दिन नसकिने बताउँदै आएका छन्।
पाधिकरणका अध्यक्ष सूर्य प्रसाद सिलवालले भने ’प्राधिकरण आफैले अनुदान दिने होइन । सरकारले बनाएको नीतिलाई कार्यान्वयनमा सहजिकरण गर्ने मात्रै हो। सरकारले घोषणा गरेको कुरा उसले दिने हो,’ उनले भने, ’तर, कम्पनीहरुलाई धेरै रकम सरकारको अनुदानको रकम अन्य प्रायोजनको रकम चलाउन धौं धौं परेको गुनासो चै कस्ले बुझने भन्दै सरकारलाई प्रश्न गरेका छन् ।