सरकारले उखु किसानलाई १ अर्ब ५० करोड अनुदान दिने
काठमाडौं । सरकारले उखु किसानहरुलाई १ अर्ब ५० करोड रुपैयाँ अनुदान दिने भएको छ।
कृषि, वन तथा पर्यावरणमन्त्री गीता चौधरीले उखु उत्पादक किसानलाई प्रोत्साहनस्वरूप उपलब्ध गराइने अनुदानसम्बन्धी कार्यविधि बिहीबार स्वीकृत गरेको हो।
अनुदान रकम बर्दिया, रौतहट, कैलाली, कञ्चनपुरका किसानलाई वितरण गरिने मन्त्रालयले जनाएको छ। सरकारले वार्षिक रूपमा उखु किसानलाई अनुदानस्वरुप प्रति क्विन्टल ७० रुपैयाँ प्रदान गर्दै आएको छ।
