कुमारी बैंकले शुन्य मौज्दातमा खोलि कारोबार नभएका खाता बन्द गर्ने
काठमाडौं । कुमारी बैंक लिमिटेडले १० वर्षअघिदेखि शुन्य मौज्दातमा खोलि कारोबार नभएका खाताहरु बन्द गर्ने जनाएको छ ।
नेपाल राष्ट्र बैंकबाट जारी एकीकृत निर्देशनमा भएको व्यवस्थाअनुसार बैंकमा खोलिएका १० वर्ष देखि शून्य मौज्दात रही कारोबार नभएका खाताहरु बन्द गर्ने कुमारी बैंकले जनाएको हो ।
१० वर्षदेखि शुन्य मौज्दात रही कारोबार नभएका खाताहरुको नाम नामेसी सहितको विवरण बैंकको आधिकारीक वेबसाइट मा राखिएको छ । सम्बन्धित खातावालाहरुले आफ्नो नजिकको शाखा कार्यालयमार्फत सम्पर्क गरी आफ्नो खाता सूचारु गर्न सक्ने बैंकले जनाएको छ ।
