आरएमडीसी लघुवित्तका सिइओ ज्योतिचन्द्र ओझाद्धारा राजिनामा, कामु सिइओको जिम्मेवारी पृथ बहादुर थापालाई
काठमाडौं । आरएमडीसी लघुवित्त वित्तीय संस्था लिमिटेडका प्रमुख कार्यकारी अधिकृत (सिइओ) ज्योतिचन्द्र ओझाले राजिनामा दिएका छन् ।
ओझाले संस्थाको सिइओ पदबाट मंसिर ७ गतेदेखि लागू हुनेगरी राजिनामा पेश गरेकोमा कम्पनीको संचालक समितिको बैठकले स्वीकृत गरेको छ ।
साथै सोही मितिदेखि नै लागू हुनेगरी संस्थाका नायब प्रमुख कार्यकारी अधिकृत पृथ बहादुर थापालाई कायम मुकायम सिइओको जिम्मेवारी दिने निर्णय समेत गरेको छ ।
