समायोजनपछि कुमारी र एनसीसी बैंकले आधा शाखा कार्यालय घटाउँदै, कुन–कुन शाखा हुँदैछन् मर्ज ?
काठमाडौं । कुमारी बैंक र एनसीसी बैंक लिमिटेबीच एकआपसमा गाभ्ने।गाभिने तथा मर्जरमा जाने सम्झौतापश्चात् यहि पुष १७ गतेबाट एकीकृत कारोबार सुरु हुँदैछ ।
कुमारी र एनसीसी बैंकबीच मर्जर सम्बन्धमा नेपाल राष्ट्र बैंक र कम्पनी रजिष्ट्रारको कार्यालयबाट अन्तिम स्वीकृति प्राप्त भई दुवै संस्थको एकिकृत कारोबार यहि पुष १७ गतेदेखि कुमारी बैंक लिमिटेडको नामबाट सुरु हुने भएको हो ।
कुमारी बैंक र एनसीसी बैंकको कुल १२० शाखा एकआपसमा गाभिई कुमारी बैंक लिमिटेडको नामबाट ६० वटा शाखा कार्यालयबाट कारोबार सुरु हुने बैंकले जनाएको छ ।
जसमा कुमारीको ३१ वटा शाखा कार्यालयमा एनसीसीको ३१ वटा शाखा गाभिई एकीकृत कारोबार हुनेछ भने बाँकी २९ वटा एनसीसीको शाखामा कुमारीको २९ शाखा गाभिई कारोबार हुनेछ ।
