दशैंको मुखमा बीमा क्षेत्रमा उच्च गिरावट, कुनको कतिले घट्यो ?
काठमाडौं । साता कारोबारको अन्तिम दिन बिहीबार नेप्से परिसूचक ४ अंकले घटेर रोकिएको छ । नेप्सेमा गिरावट आउदा जीवन तथा निर्जीवन बीमा उपसूचकसमेत घटेको हो ।
जीवन बीमा
बिहीबार जीवन बीमा परिसूचक ३४.९५ अंकले घटेर ९ हजार ९७९ को विन्दुमा कायम भएको छ । सो दिन जीवन बीमा उपसूचक ०.३४ प्रतिशतले घटेको छ ।
बिहीबार जीवन बीमा क्षेत्रबाट कुल ११ कम्पनीहरु कारोबारमा आएका थिए । जसमध्ये ८ वटा जीवन बीमा कम्पनीहरुको शेयरमूल्य घटेको छ भने ३ वटा जीवन बीमा कम्पनीहरुको मात्र शेयरमूल्य बढेको छ ।
निर्जीवन बीमा
बिहीबार निर्जीवन बीमा परिसूचक ४२.३२ अंकले घटेर ९ हजार ७९३ को विन्दुमा कायम भएको छ । सोेसँगै निर्जीवन बीमा उपसूचक पनि ०.४३ प्रतिशतले घटेको हो ।
साता कारोबारको अन्तिम दिन बिहीबार निर्जीवन बीमा क्षेत्रबाट कारोबारमा आएका कुल १२ कम्पनीहरुमध्ये ४ वटा निर्जीवन बीमा कम्पनीहरुको शेयरमूल्य बढ्दा ८ वटा निर्जीवन बीमा कम्पनीहरुको शेयरमूल्य भने घटेको छ ।
