सिटिजन लाइफ, नेपाल इन्योरेन्स सहित तीन कम्पनीको बोनस शेयर डिम्याट खातामा
काठमाडौं । तीन कम्पनीहरुले वार्षिक साधारण सभाबाट पारित भएको बोनस शेयर आफ्ना शेयरधनीको हितग्राही (डिम्याट) खातामा जम्मा गराएका छन् । यसमा शाइन रेसुङ्गा डेभलपमेन्ट बैंक, सिटिजन लाइफ र नेपाल इन्स्योरेन्सले बोनस शेयर डिम्याट खातामा जम्मा गराएका हुन् ।
सिटिजन लाइफ इन्स्योरेन्स कम्पनीको गत माघ २४ गते सम्पन्न ७ औं वार्षिक साधारण सभाले पारित गरेको पाँच प्रतिशत बोनस शेयर पुस २८ गतेसम्म कायम शेयरधनीको डिम्याट खातामा जम्मा गरिएको जनाएको छ ।
नेपाल इन्स्योरेन्स कम्पनीले पनि पुस १३ गते सम्पन्न ७५ औं वार्षिक साधारण सभाले पारित गरेको १० प्रतिशत बोनस शेयर मंसिर २७ गतेसम्म कायम शेयरधनीको डिम्याट खातामा जम्मा गराएको छ ।
साथै, हालसम्म पनि शेयर अभौतिकीकरण नगराएका शेयरधनीलाई शेयर अभौतिकीकरण गरी बोनस शेयर प्राप्त गर्न सकिने बैंकले जनाएको छ ।
त्यस्तै, शाइन रेसुङ्गा डेभलपमेन्ट बैंकको मंसिर २३ गते सम्पन्न १५ औं वार्षिक साधारण सभाले पारित गरेको १०.५० प्रतिशत बोनस शेयर मंसिर १० गतेसम्म कायम शेयरधनीको डिम्याट खातामा जम्मा गराएको हो ।
साथै, हालसम्म पनि शेयर अभौतिकीकरण नगराएका शेयरधनीको हकमा भने आफ्नो शेयर अभौतिकीकरण गराएपछि बोनस शेयर डिम्याट खातामा जम्मा गराईने बैंकले बताएको छ ।
