आइएमई लाइफ इन्स्योरेन्सको लाभांश प्रस्ताव संशोधन
काठमाडौँ । आइएमई लाइफ इन्स्योरेन्सको लाभांश प्रस्ताव संशोधन भएको छ । कम्पनीले आर्थिक वर्ष २०७९।८० को नाफाबाट शेयरधनीहरुलाई २५ प्रतिशत बोनस सेयर र कर प्रयोजनका लागि १.३१५८५ नगद गरी कुल २६.१३५८ प्रतिशत मात्र लाभांश वितरण गर्ने भएको हो ।
यसअघि भने २५ प्रतिशत बोनस सेयर र करसहित ९.५० प्रतिशत नगद गरी कुल ३४.५० प्रतिशत लाभांश वितरण गर्ने घोषणा गरेको थियो । कम्पनीले नगद लाभांश घटाएको हो ।
नेपाल बीमा प्राधिकरणले हाललाई कर प्रयोजन बाहेक अन्य कुनै पनि नगद लाभांश वितरण नगर्न निर्देशन दिएपछि वैशाख २१ गतेको सञ्चालक समिति बैठकमार्फत उक्त संशोधन गरिएको हो ।
