काठमाडौँ उपत्यकामा असिनासहितको वर्षा
काठमाडौँ । काठमाडौँ उपत्यकामा असिनासहितको वर्षा भएको छ । बिहानदेखि खराब रहेको मौसम करिब दिउँसो ११ बजेपछि असिनासहितको वर्षा भएको हो ।
काठमाडौंको पश्चिमी भू–भागबाट वर्षा सुरु भएको जल तथा मौसम विज्ञान विभागले जनाएको छ । काठमाडौंमा कम्तीमा दुई घण्टा वर्षा हुनेछ ।
त्यसपछि यो वर्षा काभ्रेपलाञ्चोक, सिन्धुली हुँदै पूर्वतर्फ अगाडि बढ्नेछ । पूर्वी नेपालमा पनि केही समय यसको असर देखिन सक्ने विभागले जनाएको छ ।
