जीवन बीमा कम्पनीहरुले १ खर्ब माथिको बीमा व्यवसाय भित्र्याए, कुनले कति ? (तथ्याङ्क सहित)
काठमाडौं । १० महिनासम्ममा जीवन बीमा कम्पनीहरुको १ खर्ब माथिको कुल बीमा व्यवसाय भित्र्याउन सफल भएको छ ।
बैशाख मसान्तसम्ममा जीवन बीमकले १ खर्ब ३९ अर्ब ३६ करोड रुपैयाँ कुल बीमा व्यवसाय भित्र्याउन सफल भएका हुन्।
यस अवधिमा नेपाल लाइफ इन्स्योरेन्स कम्पनीले सबैभन्दा धेरै बीमाव्यवसाय भित्र्याउन सफल भएको छ ।
नेपाल लाइफ बैशाख मसान्तसम्ममा ३६ अर्ब ५९ करोड रुपैयाँ बीमा व्यवसाय भित्र्याउन सफल भएका छन् ।
दोस्रोमा नेशनल लाइफ इन्स्योरेन्स कम्पनी रहेको छ।कम्पनीले यस अवधिसम्ममा १७ अर्ब २० करोड रुपैयाँ कुल बीमा व्यवसाय भित्र्याउन सफल भएका छन् ।
तेस्रोमा एलआइसी नेपाल रहेको छ।
कम्पनीले यस अवधिसम्ममा१५ अर्ब ५७ करोड रुपैयाँ कुल बीमा व्यवसाय भित्र्याउन सफल भएका छन् ।
त्यस्तै, हिमालयन लाइफले १३ अर्ब ७९ करोड रुपैयाँ, राष्ट्रिय जीवन बीमा कम्पनीले ८ अर्ब ६७ करोड रुपैया, सूर्यज्योति लाइफले ८ अर्ब ५३ करोड रुपैयाँ, एशियन लाइफले ७ अर्ब १४ करोड रुपैयाँ, सिटिजन लाइफले ५ अर्ब ६८ करोड रुपैयाँ, सानिमा रिलायन्स लाइफले ५ अर्ब ३३ करोड रुपैयाँ, मेट लाइफले ४ अर्ब ९८करोड रुपैयाँ, आइएमई लाइफले ४ अर्ब १९ करोड रुपैयाँ, रिलायबल नेपाल लाइफले ४ अर्ब १४ करोड रुपैयाँ, प्रभु महालक्ष्मी लाइफले ४ अर्ब १० करोड रुपैयाँ र सन नेपाल लाइफले ३ अर्ब ४१ करोड रुपैयाँ कुल बीमाशुल्क आर्जन गर्न सफल भएका छन् ।
