प्रभु महालक्ष्मी लाइफका बीमा अभिकर्ता लिडरहरुको एडुटेडमेन्ट कार्यक्रम सम्पन्न
काठमाडौं । प्रभु महालक्ष्मी लाइफ इन्स्योरेन्सका जीवन बीमा अभिकर्ता लिडरहरुको एडुटेडमेन्ट कार्यक्रम भब्य रुपमा सम्पन्न भएको छ ।
चितवनको सौराहमा कार्तिक यही १३, १४ र १५ गते तीन दिन विभिन्न मनोरञ्जनात्मक एवं क्षमता अभिबृद्धि तालिम कार्यक्रमहरुका साथ भब्य रुपमा सम्पन्न भएको कम्पनीले जनाएको छ ।
प्रभु महालक्ष्मी लाइफ इन्स्यारेन्सका प्रमुख कार्यकारी अधिकृत सन्तोष प्रसाईले पानसमा दीप प्रज्वलन गरी कार्यक्रमको उद्घाटन गरेका थिए ।
कार्यक्रमलाई सम्बोधन गर्दै प्रमुख कार्यकारी अधिकृत सन्तोष प्रसाईले प्रभु महालक्ष्मी लाइफ इन्स्योरेन्सले समय समयमा आयोजना गर्ने स्तरिय तालिमहरुले अभिकर्ता लिडरहरुको क्षमता अभिबृद्धिमा उल्लेख्य योगदान गर्ने र राष्ट्रिय, अन्तराष्ट्रियस्तरमा अभिकर्ताहरुको पहिचान बनाउनमा महत्वपूर्ण सावित हुने बताए ।
कम्पनीमा आवद्ध दुई सय जना भन्दा बढि अभिकर्ता लिडरहरुको उपस्थिति रहेको कार्यक्रममा बीमा विक्री कलाको क्षमता अभिबृद्धि तालिम, सांगीतिक साँझ तथा अन्य मनोरञ्जनात्मक कार्यक्रमहरु गरी हर्ष उल्लासपूर्ण वातावरणमा सम्पन्न भयो ।
द आर्ट अफ सेलिङ उपमाले परिचित अन्तराष्ट्रिय स्तरका ट्रेनर अरनिको सिंहको बीमा विक्री कलाको क्षमता अभिबृद्धि तालिमले अभिकर्ता लिडरहरुमा उत्साह जगाएको थियो ।
कार्यक्रमको मुख्य आकर्षण प्रसिद्ध कलाकार लोकप्रीय गायक प्रमोद खरेल एवं परम्परा ब्याण्डको लाइभ सांगीतिक प्रस्तुतीले कार्यक्रमको रौनक थपिएको थियो ।
प्रभु महालक्ष्मी लाइफ इन्स्योरेन्सले अभिकर्ताहरुलाई निरन्तर रुपमा विभिन्न प्रकारका मोटिभेसनल, रिफ्रेसमेन्ट, सम्मान तथा मनोरञ्जनात्मक कार्यक्रमहरु उत्कृष्ट रुपमा गर्दै आइरहेको छ ।
