सानिमा रिलायन्स लाइफको नवौं वार्षिकोत्सव आज
काठमाडौं । सानिमा रिलायन्स लाइफ इन्स्योरेन्स लिमिटेडले आज चैत ९ गते नवौं वार्षिकोत्सव मनाउँदैछ। तत्कालीन सानिमा लाइफ इन्स्योरेन्स र रिलायन्स लाइफ इन्स्योरेन्स आपसमा मर्ज भएर २०७९ चैत ९ गतेका दिनदेखि सानिमा रिलायन्स लाइफ बनेको हो।
नवौं वार्षिकोत्सवको अवसरमा कम्पनीको प्रमुख कार्यकारी अधिकृत (सीईओ) शिव नाथ पाण्डेले आभार व्यक्त गरेका छन्। पाण्डेले कम्पनीका शेयरधनी, सञ्चालक समिति, कर्मचारीहरू, संस्थाका धरोहर अभिकर्ताहरू, कम्पनीप्रति दृढ विश्वास गर्ने बीमितहरूका साथै कम्पनीको साख एवं श्रीवृद्धिका लागि प्रत्यक्ष वा परोक्ष रूपमा सहयोग पुर्याउने सबैलाई धन्यवाद व्यक्त गरेका छन्।
हाल कम्पनीको सञ्चालक समितिको अध्यक्षमा रतन लाल केडिया रहेका छन् भने सदस्यहरूमा भरत कुमार, सुवर्ण दास श्रेष्ठ, तेज बहादर चन्द, केशव राज केशी, परिक्षित खेम्का र मिना कुमारी सैन्जू रहेका छन्। कम्पनीले यसवर्ष पनि संस्थागत सामाजिक उत्तरदायित्व र सामाजिक सेवा अन्तर्गतका विभिन्न कार्यक्रमहरू गरी वार्षिकोत्सव मनाउने जनाएको छ।
