बजार घटेपनि बिहिबार यी १० कम्पनीका लगानीकर्ताले कमाए सर्वाधिक
काठमाडौँ । शेयर बजार आज पनि घटेको छ । नेपाल स्टक एक्सचेञ्ज (नेप्से) ८.५० अकंले घटेर २६५१.५२ बिन्दुमा कायम भएको हो ।
कारोबार रकममा समेत भारी गिरावट आएको छ । आज ३३८ कम्पनीको ६४ लाख ६१ हजार कित्ता शेयर किनबेच हुँदा ३ अर्ब ८२ करोड ४० लाख रुपैयाँको कारोबार भएको हो ।
यसैबीच २ कम्पनीको शेयरमा भने सकारात्मक सर्किट लागेको छ । आज टक्सार पिखुवा खोला र हाइड्रोपावरको शेयरमा सर्किट लागेको हो ।
साथै, कालिका लघुवित्तको १२.८४ प्रतिशत, सप्तकोशी डेभलपमेन्टको ५.१६ प्रतिशत र कालिन्चोक हाइड्रोपावरको ३.३४ प्रतिशतले शेयर मूल्य बढेको छ ।
