ग्लोबल आइएमई बैंकको लाभांश शेयरधनीको खातामा जम्मा
काठमाडौं । ग्लोबल आइएमई बैंक लिमिटेडले आफ्ना शेयरधनीहरुको बैंक खातामा नगद लाभांश जम्मा गरिदिएको छ । बैंकले आफ्नो मंसिर २३ गते सम्पन्न १६औं वार्षिक साधारण सभाबाट पारित भएको लाभांश शेयरधनीको हितग्राही खातामा अद्यावधिक रहेको बैंक खातामा जम्मा गर्न सुरु गरेको हो ।
बैंकले साधारण सभाबाट पारित भएको आव २०७८।७९ को लागि बैंकका शेयरधनीहरुलाई १०.६ प्रतिशत (कर सहित)का नगद लाभांश जम्मा गर्न सुरु गरेको हो ।
साथै हालसम्म पनि हितग्राही खातामा बैंक खाता अद्यावधिक नगराएका शेयरधनीहरुले आफ्नो हितग्राही खातामा बैंक खाता नं. र प्यान नं. यथासिघ्र अद्यावधिक गराएमा बैंकले उक्त नगद लाभांश जम्मा गरिदिने जनाएको छ ।
