उतारचढावकाबीच शेयरबजारमा झिनो अंकको सुधार, ५ उपसूचक राताम्य
काठमाडौं । साताको दोस्रो दिन शेयरबजारमा झिनो अंकको बृद्धि भएको छ । शेयरबजार खुलेको केही समयसम्म घटबढको उतारचढाव देखिएपनि शेयरबजार बन्द हुने बेलासम्म नेप्से सूचक ४.५७ अंकले बढेर २१०० को विन्दुमा कायम भएको छ ।
नेप्सेमा सूचीकृत २५९ कम्पनीको ३९ लाख २२ हजार २१६ कित्ता शेयर किनबेच हुँदा एक अर्ब ४७ करोड ४१ लाख रुपैयाँमाथिको कारोबार भएको छ ।
नेप्सेमा रहेका १३ उपसूचकमध्ये आज विकास बैंक सूचक, जीवन बीमा सूचक, म्युचुअल फण्ड सूचक, निर्जिवन बीमा सूचक र ब्यापार सूचक घटेका छन् भने बाँकी सबै सूचकमा हरियाली छाएको छ ।
सर्वाधिक आज उत्पादन तथा प्रशोधन सूचकको १.३८ प्रतिशतले बढ्न पुगेको छ ।
