राष्ट्र बैंकद्वारा आशा लघुवित्तको लाभांश संशोधन, बोनस शेयर घट्यो
काठमाडौं । आशा लघुवित्त वित्तीय संस्था लिमिटेडको लाभांश संशोधन भएको छ । कम्पनीले गत आर्थिक वर्षको मुनाफाबाट आफ्ना शेयरधनीहरुलाई प्रस्ताव गरेको लाभांश नेपाल राष्ट्र बैंकसमक्ष स्वीकृतिका पेश गर्दा राष्ट्र बैंकबाट सो लाभांश संशोधन भएको हो ।
संशोधनपश्चात् संस्थाले गत आव २०७८।७९ को मुनाफाबाट कायम चुक्तापुँजीको १४.२८५७ प्रतिशत बोनस शेयर र कर प्रयोजनका लागि ०.७१४३ प्रतिशत नगद लाभांश वितरण गर्ने निर्णय गरेको छ ।
यसअघि संस्थाले आफ्ना शेयरधनीहरुलाई कायम चुक्तापुँजीको २०% बोनस शेयर र १.०५२६ प्रतिशत नगद लाभांश गरी कुल २१.०९५२६ प्रतिशत लाभांश प्रस्ताव गरेको थियो ।
