एचआइडीसीएलले कमायो एक अर्बमाथि नाफा, प्रतिशेयर आम्दानी कति ?

२८ बैशाख २०८०, बिहीबार १२:००

काठमाडौं । धितोपत्र दोस्रो बजारमा लगानीकर्ताहरुको रोजाइमा पर्ने हाइड्रोइलेक्ट्रिसिटी इन्भेस्टमेन्ट एन्ड डेभलपमेन्ट कम्पनी लिमिटेड (एचआईडीसीएल)ले चालु आर्थिक वर्षको तेस्रो त्रैमाससम्मको वित्तीय विवरण सार्वजनिक गरेको छ ।

विवरणअनुसार कम्पनीले चालु आवको नौ महिनासम्ममा १ अर्ब १ करोड रुपैयाँ नाफा आर्जन गर्न सफल भएको छ । यो नाफा गत वर्षको यहि अवधिको तुलनामा ४५.१६ प्रतिशतले बढी हो । गत वर्षको यही अवधिमा कम्पनीले ६९ करोड ६१ लाख रुपैयाँ खुद नाफा आर्जन गरेको थियो ।

कम्पनीले विभिन्न जलविद्युत आयोजनाहरुमा २ अर्ब १२ करोड रुपैयाँबराबरको सेयर लगानी गरेको छ। गत वर्ष यस्तो लगानी १ अर्ब २९ करोड रुपैयाँमा सीमित थियो। यस्तो लगानी ६३.८२ प्रतिशतले बढेको छ । त्यस्तै कम्पनीले ८ करोड रुपैयाँ विभिन्न कम्पनीका बोन्डमा पनि लगानी गरेको छ ।

कम्पनीले ८ अर्ब ६४ करोड रुपैयाँ विभिन्न जलविद्युत कम्पनी निमार्ण गर्न कर्जा लगानी गरेको छ । गत वर्ष यही अवधिमा कम्पनीले ६ अर्ब ३९ करोड रुपैयाँ विभिन्न जलविद्युत कम्पनी निमार्ण गर्न कर्जा लगानी गरेको थियो ।

कम्पनीको यस अवधिसम्म चुक्तापुँजी २१ अर्ब ७१ करोड रुपैयाँ रहेकोमा रिजर्भको आकार ९.९३ प्रतिशतले घटेर कोषमा २ अर्ब ६६ करोड रुपैयाँमा मात्रै संचित रहेको छ । गत वर्ष रिजर्भमा २ अर्ब ९५ करोड रुपैयाँ संचित रहेको थियो ।

कम्पनीको प्रतिशतेयर आम्दानी बढेर ६.२१ रुपैयाँ पुगेको छ । गत वर्ष यही अवधिमा ईपीएस ४.९६ रुपैयाँ थियो । पीई रेसियो ३१.४२ गुणा रहेको प्रतिसेयर नेटवर्थ १०७.०२ रुपैयाँ रहेको छ ।

पाठक प्रतिक्रिया :

Your email address will not be published. Required fields are marked *


*