सिटी होटल लिमिटेडको आइपीओले कति पाउला ओपनिङ्ग रेञ्ज ?
काठमाडौं । सिटी होटल लिमिटेडको आइपीओ बाँडफाँड सम्पन्न भइसकेको छ । कम्पनीको आइपीओ आज काठमाडौंको सोल्टीमोड स्थित सिटी होटलमा बाँडफाँड भएको हो ।
कम्पनीको आइपीओ भाग्यमानी १ लाख ३५ हजार ५९४ जनाले १०–१० कित्ताका दरले पाएका छन् । आइपीओ पाउने भाग्यमानी शेयरधनीहरुमा यतिबेला कम्पनीको आइपीओले ओपनिङ्ग रेञ्ज कति पाउला भन्ने जिज्ञासाको विषय बनेको छ ।
कम्पनीको आइपीओले पहिलो कारोबारको लागि ८७ रुपैयाँ ८३ पैसादेखि २६३ रुपैयाँ ४९ पैसासम्म ओपनिङ्ग रेञ्ज पाउने देखिएको छ । नेप्सेले जुनसुकै कम्पनीको आइपीओलाई पहिलो कारोबारको लागि सो कम्पनीको वास्तविक नेटवर्थको आधारमा ओपनिङ्ग मूल्य तोक्ने गर्दछ ।
कम्पनीको आव २०७८।७९ को वास्तविक नेटवर्थ ८७ रुपैयाँ ८३ पैसा रहेको छ । सोही नेवटर्थकै आधारमा उक्त रेञ्ज पाउने देखिएको हो ।
