दुई कम्पनीको संस्थापक शेयरमा आवेदन दिने आज अन्तिम दिन
काठमाडौं। सिद्धार्थ प्रिमियर इन्स्योरेन्स कम्पनीको स्वामित्वमा रहेको दुई कम्पनीको सेयर लिलामी भर्ने आज अन्तिम दिन रहेको छ।
सिद्धार्थ प्रिमियरले फागुन १८ गतेदेखि आफ्नो स्वामित्वमा रहेको नेपाल पुनर्बिमा कम्पनी र नागरिक लगानी कोष कोषको संस्थापक सेयर लिलामी बिक्री खुला गरेको हो । जसमा कम्पनीले आफ्नो स्वामित्वमा रहेको पुनर्बिमा कम्पनीको २० लाख ७३ हजार ४४६ कित्ता सेयर लिलामीमा ल्याएको हो । यसमा लगानीकर्ताले न्यूनतम २८० रुपैयाँ भाउ राखेर आवेदन दिन सक्नेछन् ।
यस्तै, कम्पनीले आफ्नो स्वामित्वमा रहेको नागरिक लगानी कोषको २ लाख ३९ हजार ३७ कित्ता संस्थापक सेयर पनि लिलामीमा ल्याएको हो । यसमा लगानीकर्ताले न्यूनतम ७८० रुपैयाँ भाउ राखेर आवेदन दिन सक्नेछन् ।
दुवै कम्पनीको सेयर खरिदका लागि विद्यमान संस्थापकहरु वा कानुन बमोजिम योग्य लगानीकर्ताले आवेदन दिन सक्नेछन् । लिलामी आवेदन एनएमबि क्यापिटल, बालुवाटार काठमाडौंमा पेश गर्न सकिनेछ ।
