नेपाल माइक्रो इन्स्योरेन्सको साधारण सभा आज बस्दै
काठमाडौं । नेपाल माइक्रो इन्स्योरेन्स कम्पनी लिमिटेडको दोस्रो वार्षिक साधारण सभा आज चितवनस्थित भरतपुर गार्डेन रिसोर्टमा बिहान ११ बजेदेखि बस्दैछ।
सभाले गत आर्थिक वर्षको वार्षिक प्रतिवेदन लगायतका वित्तीय विवरणहरू पारित गर्ने, चालू आवको लागि लेखापरीक्षक नियुक्त गरी पारिश्रमिक निर्धारण गर्ने, २ जना सर्वसाधारण शेयरधनीको लागि निर्वाचन गर्ने, सञ्चालकको बैठक भत्ता निर्धारण गर्ने र खर्च अनुमोदन गर्नछ।
सभा प्रयोजनार्थ कम्पनीले जेठ ८ गते १ दिन बुक क्लोज गरिसकेको छ। बुक क्लोजको आधारमा जेठ ७ गतेसम्म् कायम शेयरधनी मात्रै सभामा भाग लिन सक्नेछन्।
