तिहार बिदामा पनि खुला बैंक, कुन–कुन शाखाबाट दिँदैछन् सेवा?
काठमाडौं । तिहारको सार्वजनिक बिदाका दिन पनि नेपालमा सञ्चालनमा रहेका केही वाणिज्य तथा विकास बैंकले ग्राहकलाई बैंकिङ सेवा उपलब्ध गराउने भएका छन्। पर्वका अवसरमा सरकारी कार्यालय तथा अधिकांश वित्तीय संस्था बन्द रहने भए पनि ग्राहकको सुविधालाई ध्यानमा राख्दै बैंकहरूले सीमित शाखाबाट सेवा सञ्चालन गर्न लागेका हुन्।
विभिन्न बैंकहरूले आफ्ना आधिकारिक सामाजिक सञ्जालमार्फत तिहार बिदामा खुला रहने शाखा कार्यालयहरूको सूची सार्वजनिक गरेका छन्। उक्त सूचीअनुसार बैंकहरूले निश्चित समय र स्थानमा शाखा सञ्चालन गरी ग्राहकलाई आवश्यक बैंकिङ सेवा प्रदान गर्नेछन्।
तिहारको समयमा पनि बैंकिङ कारोबार गर्नुपर्ने ग्राहकलाई सहज होस् भन्ने उद्देश्यले बैंकहरूले बिदाका दिन सेवा सञ्चालनको व्यवस्था मिलाएका हुन्। ग्राहकले बैंकहरूले सार्वजनिक गरेको सूचनाअनुसार आफूलाई पायक पर्ने खुला शाखाबाट सेवा लिन सक्नेछन्।
