रिलायन्स स्पिनिङ्ग मिल्सको सामूहिक लगानी कोषलाई छुट्याइएको शेयरको लकइन अवधि सकिंदै
काठमाडौं । रिलायन्स स्पिनिङ्ग मिल्स लिमिटेडको सामूहिक लगानी कोषहरूका लागि छुट्याइएको साधारण शेयर (आईपीओ) को लकइन अवधि असार १८ गते सकिंदैछ।
कम्पनीले जारी पूँजी १ अर्ब ९० करोड रुपैयाँको १०.१४ प्रतिशतले हुन आउने १९ लाख २६ हजार ६०० कित्ता आईपीओ निष्काशन गरेको थियो। जसमध्ये सर्वसाधारणलाई छुट्याइएको ११ लाख ५५ हजार ९६० कित्ताको ५ प्रतिशतले हुन आउने ५७ हजार ७९८ कित्ता शेयर सामूहिक लगानी कोषहरूमा लागि बाँडफाँड गरिएको थियो।
यसरी सामूहिक लगानी कोषहरूमा बाँडफाँड गरिएको शेयर बाँडफाँडको मितिले ६ महीनासम्म कारोबार गर्न नपाउने गरी लकइनमा राख्नु पर्ने प्रावधान छ। सोही प्रावधान बमोजिम लकइनमा रहेका ५७ हजार ७९८ कित्ता शेयरको लकइन अवधि आउँदो असार १८ गते समाप्त हुने भएको हो।
