यो साता नेप्सेमा २ करोड ९ लाख कित्ता शेयर सूचीकृत
काठमाडौं । यो साता नेपाल स्टक एक्सचेन्ज (नेप्से) मा २ करोड ९ लाख ८ हजार ९८८ कित्ता शेयर सूचीकृत भएको छ।
नारायणी विकास बैंक लिमिटेडको १९ लाख ८ हजार ९८८ कित्ता हकप्रद शेयर, याम्बालिङ्ग हाइड्रोपावरको ७० लाख कित्ता शेयर र टक्सार पिखुवा खोला हाइड्रोपावरको १ करोड २० लाख कित्ता शेयर सूचीकृत भएको हो।
याम्बालिङ्गको २८ लाख कित्ता आईपीओ र ४२ लाख कित्ता संस्थापक शेयरधनीले लगानी गरेको शेयर सूचीकृत भएको हो भने टक्सार पिखुवा खोलाको ४२ लाख ३० हजार ६६८ कित्ता आईपीओ र ७७ लाख ६९ हजार ३३२ कित्ता संस्थापक शेयरधनीले लगानी गरेको शेयर सूचीकृत भएको हो।
