बीमा दाबी भुक्तानी लिन शिखर इन्स्योरेन्सको आग्रह
काठमाडौं । शिखर इन्स्योरेन्स कम्पनी लिमिटेडले गत मंसिर १६ गतेदेखि फागुन १५ गतेसम्म परेका दाबी निवेदनको भुक्तानी लिन आउन बीमितलाई आग्रह गरेको छ।
उक्त अवधिमा परेका दाबी निवेदनहरूमध्ये केहीमा दाबी मूल्यांकनका लागि आवश्यक कागजात पेश नभएको तथा बीमित वा बीमितको प्रतिनिधि सम्पर्कमा नआएका कारण दाबी भुक्तानी हुन नसकेको कम्पनीले जनाएको छ।
त्यस्तो दाबीमा अबको ३५ दिनभित्र आवश्यक कागजात सहित कम्पनीको केन्द्रीय दाबी विभाग, कम्पनीको प्रादेशिक कार्यालयहरू, शाखाहरूमा र कम्पनीबाट सम्बन्धित दाबीमा खटाइएका सर्भेयरहरूलाई सम्पर्क गर्न आग्रह गरेको हो।
तोकिएको ३५ दिनभित्र पनि आवश्यक कागजात पेश नगरेमा वा सम्पर्कमा नआएमा त्यस्तो बीमितको दाबी फाइल बन्द गरिने कम्पनीले जानकारी दिएको छ।
