भगवति हाइड्रोपावरको बोनस शेयर डिम्याट खातामा जम्मा
काठमाडौं । भगवति हाइड्रोपावर डेभलपमेन्ट कम्पनी लिमिटेडको कात्तिक २ गते सम्पन्न २५औं वार्षिक साधारणसभाले पारित गरेको बोनस शेयर शेयरधनीमा वितरण भएको छ।
उक्त साधारणसभाले कम्पनीका शेयरधनीहरूलाई १४ प्रतिशत बोनस शेयर वितरण गर्ने प्रस्ताव पारित गरेको थियो। साधारणसभा तथा लाभांश वितरण प्रयोजनार्थ कम्पनीले असोज २१ गते बूक क्लोज गरेकोले असोज २० गतेसम्म नेप्सेमा कायम शेयरधनीहरूले उक्त बोनस शेयर पाएका छन्।
कम्पनीको उक्त बोनस शेयर बापतको ८ लाख ३२ हजार ९२६ कित्ता शेयर नेप्से तथा सिडिएस एण्ड क्लियरिङ्ग लिमिटेडमा सूचीकृत तथा दर्ता भई कारोबार हुने व्यवस्था समेत भइसकेको छ।
कम्पनीले फागुन १९ गतेदेखि नै शेयरधनीको डिम्याट खातामा बोनस शेयर पठाउन थालिएको बताएको छ। बोनस शेयर सूचीकृत भइसकेकोले बोनस शेयर प्राप्त गर्नेले कारोबार समेत गर्न सक्नेछन्।
