जेनजी आन्दोलनमा शहीद भएका रसिककी आमा रचना सांसद बन्दै
काठमाडौं । जेनजी आन्दोलनमा शहीद भएका रसिक खतिवडाकी आमा रचना खतिवडा क्षेत्री रास्वपाबाट सांसद बन्ने भएकी छिन् ।
खसआर्य महिलातर्फ दोस्रो स्थानमा रहेकी खतिवडा समानुपातिक सांसदका लागि सिफारिसमा परेकी हुन् । काभ्रेका २३ वर्षीय रसिकले २३ भदौको जेनजी आन्दोलनमा सुरक्षाकर्मीकर्मीको गोलीबाट ज्यान गुमाएका थिए ।
रास्वपाले समानुपातिक सूचीमा उनको नाम समावेश गरेसँगै रचना चुनावी प्रचारमा खटिएकी थिइन् ।
उनको गृह जिल्ला काभ्रेको दुवै क्षेत्र रास्वपाले जितेको छ भने समानुपातिकमा पनि पहिलो दल बनेको छ । रास्वपाले उनी सहित ४८ महिलालाई समानुापातिक सांसद बनाएको छ ।
