राष्ट्र बैंकका नवनियुक्त डेपुटी गभर्नर किरण पण्डितले लिए पद तथा गोपनीयताको शपथ
काठमाडौं। नेपाल राष्ट्र बैंकका नवनियुक्त डेपुटी गभर्नर किरण पण्डितले पद तथा गोपनीयताको शपथ लिएका छन्। आज उनले गभर्नर डा. विश्वनाथ पौडेलसमक्ष पद तथा गोपनीयताको शपथ लिएका हुन् ।
पण्डितले डेपुटी गभर्नरका रुपमा ५ वर्ष काम गर्नेछन्। उनी राष्ट्र बैंकमा प्रवेश गरेको २० वर्षमै डेपुटी गभर्नर बनेका हुन्। मन्त्रिपरिषद्को मंगलबार अपराह्न बसेको बैठकले गभर्नरको सिफारिसमा पण्डितलाई डेपुटी गभर्नरमा नियुक्त गर्ने निर्णय गरेको थियो ।
२०६२ माघ २ गते राष्ट्र बैंकको सेवामा प्रवेश गरेका पण्डित २०६८ जेठ २७ गते उपनिर्देशक, २०७४ असार २७ गते निर्देशक र २०८१ फागुन १ गते कार्यकारी निर्देशकमा बढुवा भएका थिए ।
