प्रभु बैंकले अविमोच्य असञ्चिति अग्राधिकार शेयर जारी गर्ने
काठमाडौं । प्रभु बैंक लिमिटेडले ८.५० प्रतिशत दरका अविमोच्य असञ्चिति अग्राधिकार शेयर जारी गर्ने निर्णय गरेको छ। बैंकको चैत २७ गते बसेको सञ्चालक समितिको बैठकले यो निर्णय गरेको हो।
बैठकले विशेष साधारणसभा तथा नेपाल राष्ट्र बैंक लगायतका नियमनकारी निकायबाट स्वीकृति प्राप्त भएको अवस्थामा ८.५० प्रतिशत लाभांश दर कायम गरी मुनाफा भएको वर्षमात्र मुनाफा वितरण गर्ने गरी व्यक्तिगत तवरबाट संस्थागत लगानीकर्ताहरूलाई मात्र बिक्री गरिने प्रति शेयर १०० रुपैयाँ दरका ५ करोड इकाई अवमोच्य असञ्चिति अग्राधिकार शेयर जारी गर्ने निर्णय गरेको हो।
1775985672782
